नाशिक : पेप्सिको फाऊंडेशनने, पेप्सिको आर अँड डी आणि क्वेकर यांच्या सहकार्याने, क्वेकरच्या ‘बाऊल ऑफ ग्रोथ’ कार्यक्रमाच्या यशावर प्रकाश टाकणारा ‘बिल्डिंग अ हेल्दी टुमॉरो’ अहवाल मुंबईतील एका कार्यक्रमात प्रसिद्ध केला. 2023 मध्ये एनजीओ ममता हिम्स सोबत सुरू केलेल्या या उपक्रमाचे उद्दिष्ट पुणे जिल्हा, महाराष्ट्रातील मावळ आणि मुळशी ब्लॉकमधील 3-5 वयोगटातील 1,000 कुपोषित बालकांना आधार देऊन सामुदायिक आरोग्य सुधारण्याचे आहे.
कार्यक्रम आई आणि मुलाला त्याच्या केंद्रस्थानी ठेवतो. याने पालकांना आणि काळजीवाहकांना ज्ञान आणि संसाधनांसह मुलांना संतुलित पोषण प्रदान करण्यासाठी सक्षम केले आहे. या कार्यक्रमाचा मुख्य फोकस म्हणजे कुपोषणाच्या सुरुवातीच्या काळात हस्तक्षेप करून त्याची गंभीर स्वरूपाची प्रगती रोखणे, या माध्यमातून मुलांचे आरोग्यदायी भविष्य सुनिश्चित करणे.
पेप्सिकोच्या ‘पार्टनरशिप ऑफ प्रोग्रेस’ या तत्त्वाशी संरेखित, क्वेकर ‘बाउल ऑफ ग्रोथ’ कार्यक्रमाने पोषण हस्तक्षेपांची मापनीयता आणि शाश्वतता सुनिश्चित करण्यासाठी महाराष्ट्र सरकारसोबत धोरणात्मक भागीदारी सुद्धा केली आहे. पहिल्या टप्प्यात मिळालेल्या यशाच्या आधारावर, क्वेकर पुण्यात हा कार्यक्रम सुरू ठेवेल, अतिरिक्त 2,000 मुलांपर्यंत पोहोचेल, मुंबईसाठी पुढील विस्तार योजनांसह, एकूण 4,000 मुलांना लाभ देण्याचे उद्दिष्ट आहे.
या कार्यक्रमात महाराष्ट्र शासनाच्या आयसीडीएसचे आयुक्त श्री कैलाश पगारे, बीजे शासकीय वैद्यकीय महाविद्यालय, पुणे च्या कम्युनिटी मेडिसिन विभागाचे प्राध्यापक आणि प्रमुख डॉ. मुरलीधर पी. तांबे, लाइफ सायन्सेस, पेप्सिकोचे एमडी, मुख्य वैद्यकीय अधिकारी आणि वरिष्ठ उपाध्यक्ष, डॉ. पिएत्रो अँटोनियो तातारान्नी, पेप्सिको फाउंडेशनचे आंतरराष्ट्रीय कार्यक्रम लीड करीम मोहम्मद, पेप्सिको इंडिया आणि दक्षिण आशियाचे संशोधन आणि विकास विभागाचे वरिष्ठ संचालक मिजानूर रहमान, पेप्सिको इंडियाचे वरिष्ठ संचालक आणि सप्लाय चैन प्रमुख रिंकेश सतीजा, आणि ममता हिम्स चे कार्यकारी संचालक डॉ. सुनील मेहरा, महाराष्ट्र शासनाचे उपसंचालक आणि बाल आरोग्य राज्य नोडल अधिकारी डॉ. गोविंद चौधरी यांचा सहभाग होता. बृहन्मुंबई महानगरपालिका (बीएमसी) चे महानगरपालिका आयुक्त डॉ. भूषण गगराणी (आयएएस) यांनी कार्यक्रमाचा एक भाग म्हणून एक व्हिडिओ संदेश शेअर केला.
पेप्सिको इंडियाचे अभिनंदन करताना, श्री कैलाश पगारे, आयुक्त, आयसीडीएस, महाराष्ट्र शासन म्हणाले, “शिक्षणाच्या पद्धती, जागरुकता आणि पोषणाच्या पूरकतेमुळे मुलांच्या पोषण आरोग्यामध्ये झालेली सुधारणा आपल्या सर्वांसाठी खरोखरच उत्साहवर्धक आहे. या यशांमुळे कुपोषणाचा सामना करण्यासाठी बहु-क्षेत्रीय सहकार्याचे महत्त्व अधोरेखित होते. महाराष्ट्र सरकार अशा उपक्रमांना पूर्ण समर्थन देते आणि त्यांचे कौतुक करते कारण ते आपल्या राज्याच्या निरोगी भविष्यासाठीच्या दृष्टीकोनाशी सुसंगत आहे.”
