नाशिक :- नाशिक पश्चिम वनविभागातर्फे 33 कोटी वृक्ष लागवडी अंतर्गत त्र्यंबकेश्वर तालुक्यातील रोहिले येथे 25 हेक्टर क्षेत्रावर वृक्षलागवडीचा कार्यक्रम संपन्न झाला. यावेळी विभागीय आयुक्त राजाराम माने, जिल्हाधिकारी सूरज मांढरे, मुख्य कार्यकारी अधिकारी डॉ.नरेश गिते, मुख्य वनसंरक्षक विजय शेळके आदींनी वृक्षारोपण केले.
नाशिक जिल्हयासाठी 1 कोटी 92 लाख वृक्ष लागवडीचे उद्दिष्ट आहे. त्यापैकी सामाजिक वनीकरण, कृषी विभाग यासोबत शासनाच्या सर्व विभागांचा देखिल वृक्षलागवडीत समावेश आहे. आजपासून सुरु झालेले वृक्षलागवड अभियान 30 सप्टेंबर 2019 पर्यंत सुरु राहणार आहे. या अंतर्गत वृक्षलागवडी सोबतच वृक्षसंवर्धनाचे काम देखिल करण्यात येणार आहे. यासाठी नाशिक जिल्हयात साधारण 2 कोटी 28 लाख विविध जातीचे रोपे उपलब्ध आहेत.
यावेळी विभागीय वन अधिकारी राजन गायकवाड, उपवनसरंक्षक शिवाजी फुले, त्र्यंबकचे प्रभारी तहसिलदार एस.एम.निरगुडे, रोहिले आश्रमशाळेचे शिक्षक, विद्यार्थी, विद्यार्थीनी, ग्रामस्थ, व पोलीस अकाडमीचे प्रशिक्षणार्थी आदी उपस्थित होते.
