सामाजिक वनीकरण विभागाचा उपक्रम
नाशिक – सामाजिक वनीकरण विभाग, नाशिक यांचेमार्फत 33 कोटी वृक्ष लागवड योजनेअंतर्गत मुंगसरे ता.जि.नाशिक येथे वृक्ष लागवडीचा कार्यक्रम संपन्न झाला. यावर्षी सामाजिक वनीकरण विभागामार्फत 28 लाख 23 हजार वृक्षाची लागवड करण्यात येणार आहे. नगरसेवक चंद्रकांत खाडे यांचे हस्ते वटवृक्षाची लागवड करुन कार्यक्रमाची सुरुवात करण्यात आली.
यावेळी सामाजिक वनीकरण विभागाचे माजी निवृत्त संचालक का.का.चव्हाण, मुख्य वनसंरक्षक विजय शेळके, वनसंरक्षक प्रकाश लोणकर, उपवनसंरक्षक शिवाजी फुले, तुषार चव्हाण, वरिष्ठ सेवानिवृत्त वनाधिकारी, मुंगसरे ग्रामपंचायतीच्या सरपंच कल्पना भोर, उपसरपंच राजाराम पडोळ व ग्रामस्थ मोठ्या संख्येने उपस्थित होते.
या कार्यक्रमाचे नियोजन सामाजिक वनीकरण विभागाचे विभागीय वन अधिकारी राजन गायकवाड, सहाय्यक वनसंरक्षक त्रिंबक बिन्नर, बी. व्हि.शिंदे, वनपरिक्षेत्र अधिकारी प्रदीप कदम, वनपाल दिपक राजभोज, वनरक्षक श्री.हिण्डे, सुनिता देशमुख यांनी केले. सदर रोपवन सांभाळण्याची व यशस्वी करण्याची जबाबदारी उपसरपंच राजाराम पडोळ यांनी घेतली असुन श्री.पडोळ यांनी मुंगसरे ग्रामपंचायतीमार्फत सर्व अधिकारी व कर्मचारी यांचे आभार मानले.
