उमेदवाराचे नामनिर्देशन पत्र दाखल करतेवेळी मिरवणूक व घोषणा देण्यास प्रतिबंध

नाशिक, दि.30- विधानसभा सार्वत्रिक निवडणूक 2019 आदर्श आचार संहिता लागू झाली आहे. सदर निवडणूक कालावधीत कायदा व सुव्यवस्था अबाधित रहावी व निवडणुक प्रक्रिया सुरळीतपणे पार पाडण्यासाठी प्रतिबंधात्मक उपाययोजना म्हणुन राजकीय पक्षाने, निवडणूक लढविणाऱ्या उमेदवाराने किंवा त्यांचे प्रतिनिधी, हितचिंक यांनी नामनिर्देशन पत्र दाख करतेवेळी नाशिक जिल्हयातील सर्व विधानसभा मतदार संघाचे निवडणूक निर्णय अधिकारी यांचे कार्यालयाच्या परिसरात मिरवणूक, सभा घेणे, कोणत्याही प्रकारच्या घोषणा देणे, वा’ वाजविणे किंवा गाणे म्हणणे, निवडणूक प्रचार करणेस, वाहनाच्या ताफ्यामध्ये 3 पेक्षा जास्त वाहने निवडणूक निर्णय अधिकारी यांचे कार्यालयाच्या 100 मीटर परिसरात आणण्यास तसेच निवडणूक निर्णय अधिकारी यांचे कक्षात नामनिर्देशपत्र दाखल करण्यासाठी उमेदवारासह 5 व्यक्तींपेक्षा जास्त व्यक्तींना उपस्थित राहण्यास जिल्हादंडाधिकारी, सूरज मांढरे यांनी नाशिक ग्रामीण जिल्ह्यात 7 ऑक्टोबर 2019 पर्यंत मुंबई पोलिस अधिनियम 1973 चे कलम 144 (2) अन्वये प्रतिबंध घातले आहेत. सदर आदेशाचा भंग करण्याऱ्यांविरुद्ध भारतीय दंड संहिता 1860 चे कलम 188 अन्वये कारवाई केली जाईल.