खेळाडूंच्या जास्तीत जास्त सहभागासाठी आवाहन
नाशिक : दिनांक १७ ते २० फेब्रुवारी, २०२२ दरम्यान पुणे येथे वरीष्ठ गटाच्या महाराष्ट्र राज्य ज्युडो अजिंक्यपद स्पर्धेचे आयोजन करण्यात आले आहे. या राज्य अजिंक्यपद स्पर्धेत सहभागी होणाऱ्या नाशिक जिल्ह्याच्या पुरुष आणि महिला संघाची निवड करण्यासाठी नाशिक जिल्हा ज्युडो असोसिएशनच्या वतीने शनिवार दिनांक १२ फेब्रुवारी, २०२२ रोजी नाशिकच्या छत्रपती शिवाजी महाराज स्टेडियम, येथे नाशिक जिल्हा स्पर्धा आणि निवड चाचणीचे आयोजन करण्यात आले आहे.
या स्पर्धेत खालीलप्रमाणे वजनी गट आहेत.
पुरुषांसाठी ६० किलो, ६६ किलो, ,७३ किलो, ८१ किलो, ९० किलो, १०० किलो आणि १०० किलो वरील गट अश्या सात गटांचा समावेश असणार आहे तर महींलासाठी ४८ किलो, ५२,किलो, ५६ किलो, ६३ किलो, ७० किलो, ७८ किलो आणि ७८ किलो वरील गट अश्या सात गटांचा समावेश असणार आहे.
या स्पर्धेत सहभाग घेणाऱ्या खेळाडूंनी आपल्या जन्म तारखेचा दाखला, आधार कार्ड आणि आपल्या जुडोच्या गणवेश यासह शनिवार दिनांक १२फेब्रुवारी रोजी शिवाजी महाराज स्टेडियम येथे सायंकाळी पाच वाजता उपस्थित राहावे.
या स्पर्धेत नाशिक जिल्ह्यातील जास्तीत जास्त खेळाडूंनी आपला सहभाग नोंदवावा असे आवाहन नाशिक जिल्हा ज्युडो असोसिएशनच्या वतीने करण्यात आले आहे.
