आयपीएल 2022 मेगा लिलावचा दुसरा दिवस बंगळुरूमध्ये सुरू आहे. 10 बोली लावणाऱ्या फ्रँचायझींनी आतापर्यंत 154 खेळाडूंना खरेदी केले आहे. दुसऱ्या दिवशी इंग्लंडचा अष्टपैलू खेळाडू लियाम लिव्हिंगस्टन 10 कोटींहून अधिक किमतीत विकला जाणारा पहिला खेळाडू ठरला. त्याला खरेदी करण्यासाठी पंजाब आणि हैदराबाद यांच्यात चुरशीची स्पर्धा होती.
मुंबई इंडियन्सने सिंगापूरच्या टीम डेव्हिडला 8.25 कोटीत खरेदी केले. टीम हा मधल्या फळीतील फलंदाज असून ऑफ-स्पिन देखील करू शकतो. त्याला घेऊन मुंबईने हार्दिकची कमतरता भरून काढली आहे यात शंका नाही. डेव्हिडने गेल्या वर्षी आरसीबीकडून खेळताना आयपीएलमध्ये पदार्पण केले होते.
लिलावाचा दुसरा दिवस अनेक दिग्गज खेळाडूंसाठी चांगला गेला नाही. ऑस्ट्रेलियाला T20 विश्वचषक जिंकून देणारा ऍरॉन फिंच, इंग्लंडचा एकदिवसीय आणि T20 संघाचा कर्णधार ओएन मॉर्गन या दोघांनाही खरेदीदार मिळाला नाही. चेतेश्वर पुजारालाही खरेदीदार मिळू शकला नाही.
