नाशिक – नुकत्याच झालेल्या २२ किमी ब्रह्मगिरी परिक्रमा मॅरेथॉन- २०२२ मध्ये येथील प्रादेशिक न्यायसहाय्यक वैज्ञानिक प्रयोगशाळेतील सहाय्यक रासायनिक विश्लेषक डॉ. नितीन लोनगाडगे यांनी दुसरा क्रमांक पटकावला आहे. त्यांच्या या यशाबद्दल त्यांचे सर्वत्र अभिनंदन होत आहे. डॉ. लोनगाडगे हे मूळचे चंद्रपूर येथील रहिवासी असून, त्यांची नाशिकमधील प्रादेशिक न्यायसहाय्यक विज्ञान प्रयोगशाळेत बदली झाली आहे. ते अॅक्टिव्ह एनर्जी ऍथलीट ग्रुपचे सदस्य आहेत. या ग्रुपचे संचालक आणि प्रशिक्षक अनिरुद्ध अथनी यांच्याकडून ते हाफ मॅरेथॉनचे प्रशिक्षण घेत आहेत. सध्या ते २८ ऑगस्ट रोजी हैदराबाद येथे होणाऱ्या मॅरेथॉनची तयारी करत आहेत. योग्य प्रशिक्षण, सातत्य, निरोगी आहार आणि चांगली झोप हे त्यांच्या यशाचे रहस्य असल्याचे त्यांनी सांगितले.
