१२ व्या सब- जुनिअर महाराष्ट्र राज्य जम्परोप स्पर्धेला उत्साहात सुरवात जम्परोप खेळाद्वारे आपला सर्वांगीण विकास करावा -आनंदा सूर्यवंशी – मा, नगरसेवक , मनपा, नाशिक.

नाशिक  :- नाशिक जिल्हा जम्परोप असोसिएशन आणि महाराष्ट्र  जम्परोप असोसिएशन याच्या वतीने आणि दुधारे स्पोर्ट्स फौंडेशन याच्या सहकार्याने  नाशिकच्या शुभ मंगल कार्यालय , बळी मंदिर जवळ , पंचवटी,  आग्रा रोड, नाशिक येथे   १२  व्या  नाशिकच्या शुभ मंगल कार्यालय , बळी मंदिर जवळ , पंचवटी, आग्रा रोड, नाशिक येथे    १२ व्या सब- जुनिअर महाराष्ट्र राज्य जम्परोप स्पर्धेचे आयोजन करण्यात आले आहे.  या स्पर्धेला आज मोठया उत्साहात सुरवात झाली. 
नाशिक म.न.पा. चे मा.स्थायी समिती सभापती अॅड. राहुल उत्तमराव ढिकले यांचे वाढदिवसानिमित्त आयोजित या १२ व्या मिनी आणि सब- जुनिअर गटा च्या महाराष्ट्र  राज्य जम्परोप अजिंक्य पद स्पर्धेचे  उदघाटन नाशिक महानगरपालीकेचे माजी नगरसेवक अनंता सूर्यवंशी याच्या हस्ते संपन्न झाले. याप्रसंगी प्रमुख पाहुणे म्हणून शिवछत्रपती पुरस्कार प्राप्त आनंद खरे , मनसेचे विभाग अध्यक्ष भाऊसाहेब निमसे , छत्रपती पुरस्कार प्राप्त अशोक दुधारे,  युवा नेते सोमनाथ वडजे  क्रीडा संघटक नितीन हिंगमिरे , उद्योजक शेखर वानखेडे आदी मान्यवर उपस्थित होते. यावेळी खेळाडूंना संबोधीत करतांना अनंता सूर्यवंशी  यांनी सांगितले की जम्परोप हा खेळ उत्तम असून यामुळे खेळाडूच्या शारीरिक क्षमतेत चांगली वाढ होते त्यामुळे खेळाडूंनी  लहान वयापासून या खेळात रस घेऊन आपली प्रगती साधावी असे सांगितले. यावेळी आनंद खरे यांनी सांगितले की जम्परोप हा सर्व खेळाचा गाभा आहे. या खेळामुळे आपल्या शरीराला चांगला व्यायाम मिळतो. आणि आपल्याला याचा कायमस्वरूपी फायदा होतो असे सांगितले. 

प्रमुख पाहुण्यांचे स्वागत विक्रम दुधारे, दिपक निकम यांनी केले.  

या स्पर्धेत  महाराष्ट्राच्या विविध जिल्ह्याचे ४३० खेळाडू  सहभागी झाले आहेत. जम्परोप या खेळत अंतर्भाव असलेले ३० सेकंड स्पीड, डबल अंडर, तीन मिनीट इंड़युरन्स, फ्री स्टाइल या चार प्रकारांच्या स्पर्धाचा यामध्ये समावेश आहे अशी माहिती विक्रम दुधारे यांनी दिली.