दिनांक १९ सप्टेंबर, पुणे : ब्रीज फेडरेशन ऑफ इंडियाच्या वतीने दिनांक १९ ते २१ सप्टेंबेर, २०२२ दरम्यान आयोजित केलेल्या काबरा अखिल भारतीय राष्ट्रीय महिला ब्रीज स्पर्धेला पुणे येथील पी. वाय. सी. हिंदू जिमखाना येथे मोठ्या उत्साहात सुरवात झाली.
या स्पर्धेमध्ये “पेअर” या प्रकारांचा समावेश आहे. यामध्ये भारतातील २८ पेअर्सनी सहभाग नोंदवला आहे.
या स्पर्धेचे उदघाटन ब्रीचचे राष्ट्रीय खेळाडू तथा पुरस्कर्ते कमल काबरा, सोनल पाकूझा, महेश बहुगुणा आणि आनंद सामंत यांच्या प्रमुख उपस्थितीत संपन्न झाले. यावेळी बोलतांना कमल काबरा यांनी सांगितले की, केवळ महिलांसाठी अश्या प्रकारची वेगळी राष्ट्रीय स्पर्धा आयोजित केल्यामुळे महिलांना अधिक अधिक प्रोस्थाहंन मिळणार आहे. या स्पर्धांसाठी आणि इतर उपक्रमांसाठी आमच्याकडून कायमच सहकार्य केले जाईल असे सांगितले.
या २८ पेअर्समध्ये अठरा बोर्डचे चार राऊंड खेळविले जाणार आहेत. आज पार पडलेल्या तीन राऊंडमध्ये वासंती शहा आणि भारती डे या जोडीने सुंदर खेळ करून ४४. ७४ गुण मिळवून आघाडी घेतली आहे. त्याखालोखाल रेचेल जोसेफ – शुभाश्री या जोडीने ४१. १३ गुण मिळवून दुसऱ्या स्थानावर तर मंजीत ओबेरॉय – अलका जैन या जोडीने ३७. ३९ गुण मिळवून तिसऱ्या स्थानावर झेप घेतली आहे. या स्पर्धेत विद्या पटेल आणि कल्पना या मध्य प्रदेशच्या २० आणि २१ वर्षीय खेळाडूंनी सहभाग घेतला असून त्यांनीही चांगला खेळ करून तीन राऊंड नंतर ३४.५८ गूण मिळवत नववे स्थान मिळविले आहे.
या स्पर्धा तीन दिवस सुरु राहणार आहेत. स्पर्धेत विजयी होणाऱ्या पेअर्सला भारताचे माजी खेळाडू आणि संघटक यांच्या नांवाचा “काबरा चषक ” देवून गौरवण्यात येणार आहे.
