व्हि.डी.के. फाउंडेशनच्या खेळाडूंचे राज्यस्तरीय सब ज्युनिअर ॲथलेटिक्स स्पर्धेत घवघवीत यश

नाशिक  : कोल्हापूर येथील छत्रपती शिवाजी युनिव्हर्सिटी येथे आयोजित महाराष्ट्र राज्य ॲथलेटिक्स स्पर्धेमध्ये नाशिकच्या व्हि.डि.के. फाउंडेशनच्या खेळाडूंनी सुंदर खेळाचे प्रदर्शन करून पदके प्राप्त केली. १२ वर्षाखालील मुलींच्या गटामध्ये रिले या प्रकारात जानवी पाटोळे, आस्मिता वाघ आणि लहेर वालेचा. यांनी चांगली धाव घेत कास्यपदक पटकावले. त्याचबरोबर १० वर्षाखालील वयोगटात मुलींमध्ये रिले या प्रकारात आनंदी कळमकर हिने चांगली कामगीरी करून कांस्यपदक आपल्या नावे केले. या विजयी खेळाडूंना प्रशिक्षक वैजनाथ काळे आणि बाळासाहेब शिरफुले यांचे मार्गदर्शन लाभले. हे सर्व विजेते खेळाडू सीएमसीएस कॉलेज, गंगापूर रोड येथील मैदानावर रोज कसून सराव करतात.
सर्व विजेत्या खेळाडूंचे सी.एम.सी.एस कॉलेजचे प्राचार्य डॉक्टर रवींद्र कुमार, ॲथलेटिक्स असोसिएशनचे चेअरमन हेमंत पांडे आणि सेक्रेटरी सुनील तावरगिरी यांनी विजेत्या खेळाडूंचे अभिनंदन केले व पुढील आगामी स्पर्धेसाठी शुभेच्छा दिल्या