नाशिक – स्त्रीरोग तज्ञांची संघटना नाशिक ऑब्स्टेट्रीक व गायनॉलॉजीकल सोसायटी यांच्या तर्फे व डॉ वसंत पवार वैद्यकीय महाविद्यालय व रिसर्च सेंटर यांच्या सहकार्याने स्त्रीरोग तज्ञांची वार्षिक परिषद येत्या ३० नोहेंबर ते १ डिसेंबर रोजी होत असल्याची माहिती संयोजन समिती प्रमुख डॉ नलिनी बागुल यांनी दिली. वैद्यकीय क्षेत्रात होत असलेले बदल, नव्या उपचार पद्धती याबाबत माहिती होऊन ज्ञानाची देवाण – घेवाण करण्यासाठी अशा परिषदांचा उपयोग होतो असेही त्यांनी नमूद केले. सुमारे ३०० हून अधिक स्त्रीरोगतज्ज्ञ या परिषदेत सहभागी होणार असून हि संस्था ४० वर्षांपासून कार्यरत आहे. या दोन दिवसीय परिषदेसाठी अनेक नामवंत तज्ञ मार्गदर्शन करणार असून त्यामध्ये पुण्याचे शैलेश पुणतांबेकर, मुंबईचे डॉ अजित विरकुड, नागपूरचे डॉ आशिष कुबडे यांचा समावेश आहे. वर्कशॉप, लाईव्ह ऑपरेशन, केस स्टडी अशा माध्यमातून हे तज्ञ मार्गदर्शन करतील अशी माहिती संयोजन सचिव डॉ किरण पाटोळे व डॉ उमेश मराठे यांनी दिली. परिषदेच्या पहिल्या दिवशी तांत्रिक सेशन होणार असून परिषदेचे समारंभपूर्वक उद्घाटन खा. हेमंत गोडसे यांच्या हस्ते होणार आहे. यावेळी मराठा विद्या प्रसारक मंडळाच्या सरचिटणीस निलीमाताई पवार यांची प्रमुख उपस्थिती राहील. वर्कशॉपचे उद्घाटन डॉ वसंतराव पवार वैद्यकीय महाविद्यालयाच्या डीन प्रा. मृणाल पाटील यांच्या हस्ते होईल. परिषद यशस्वी होण्यासाठी डॉ निवेदिता पवार, डॉ विजयालक्ष्मी गणोरकर, डॉ रविंद्र शिवदे, डॉ जगदीश मालपाणी, डॉ रमेश देसले, डॉ अरुणा वानखेडे, सो सुचिता बच्छाव, डॉ रुमी पटेल, डॉ वर्ष लहाडे, डॉ कविता गाडेकर तसेच संयोजन समितीचे सर्व सदस्य कार्यरत आहेत.
