नाशिक – मदर अर्थ व सिक्स सेकंड्स तर्फे युनिसेफ च्या बालदिन साजरा करण्याचा एक भाग म्हणून, इमोशन फेस्ट या अनोख्या कार्यक्रमाचे आयोजन करण्यात आले होते . भावना आणि भावनिक बुद्धिमत्ता याचे आपल्या आयुष्यात अनन्य साधारण महत्व आहे . या समजण्यासाठी विविध ३२ उपक्रम या वेळी विषद करण्यात आले . पोलीस अधीक्षक आरती सिंह आणि उपजिल्हाधिकारी हेमांगी पाटील यांनी कार्यक्रमात सक्रिय उपस्थिती नोंदविली. मदर अर्थ च्या संस्थापिका शितल नवाल यांनी सांगितले की या कार्यक्रमात भावनिक साक्षरता, गैर-मौखिक संप्रेषण, भावनांचे व्यवस्थापन, आशावाद आणि सहानुभूती, सकारात्मक मानसिकता, दयाळूपणा, कृतज्ञता, नातेसंबंध कौशल्य आणि पर्यावरणीय बुद्धिमत्ता या विषयी मार्गदर्शन करण्यात आले . या पूर्णत मोफत असलेल्या कार्यक्रमात 200 हून अधिक नाशिककर सहभागी झाले होते. अनेक स्वयंसेवकांनी कार्यक्रम यशस्वी होण्यासाठी मोलाचे सहकार्य केले यामध्ये सनशाईन हॉस्पिटलमधील व्याख्याते, शिक्षक, डॉक्टर आणि डॉक्टरांचा समूह तसेच अनेक विद्यार्थ्यांचाही समावेश होता
