नाशिक : भारतीय पत्रकार संघा मार्फत आयोजित पुरस्कार प्रदान कार्यक्रमांतर्गत ज्येष्ठ पत्रकार रामदास नागवंशी यांना विशेष पुरस्काराने सम्मानित करण्यात आले. सदरचा कार्यक्रम मध्य प्रदेशातील धार जिल्हयात उत्साहात पार पडला. यावेळी सम्मानितांना सुवर्णपदक, सन्मानचिन्ह व प्रशस्तिपत्र देऊन सम्मानित करण्यात आले.
दरवर्षी भारतीय पत्रकार संघातर्फे पत्रकारी क्षेत्रात उत्कृष्ट कामगिरी करणा-यांना सन्मानित केले जाते. यंदा पंधरा राज्यांतून पत्रकारांना सन्मानित करण्यात आले. नाशिक जिल्हयातून सायं दैनिक भ्रमरचे ज्येष्ठ पत्रकार रामदास नागवंशी यांना सन्मानित करण्यात आले.यावेळी पुरस्काराचे वितरण मध्यप्रदेशचे गृहमंत्री बाला बच्चन यांच्या हस्ते करण्यात आले.यावेळी राज्याचे शिक्षणमंत्री विजयालक्ष्मी साधी, ज्येष्ठ पत्रकार राजेश बादल, दिल्ली एबीपी न्यूजचे संपादक सनसनी फेम श्रीवर्धन त्रिवेदी प्रमुख आतिथी म्हणून उपस्थितीत होते. नाशिक जिल्हा मार्फेत श्री नागवंशी यांना मिळालेल्या या पुरस्कार बददल सर्व पत्रकार संघटनाकडून शुभेच्छा देण्यात आल्या.
