शरद पवार यांच्या वाढदिवसानिमित्त नाशिक जिल्हा राष्ट्रवादी युवक काँग्रेसच्या वतीने जिल्हास्तरीय वकृत्व स्पर्धा दि. १९ डिसेंबर २०१९ रोजी आयोजित करण्यात करण्यात आली आहे असे राष्ट्रवादी युवक कॉंग्रेसचे जिल्हाध्यक्ष पुरुषोत्तम कडलग यांनी सांगितले. महाविकास आघाडीच्या सरकारचे जनक मा.शरदचंद्रजी पवार साहेब यांचा ८० वा वाढदिवस विविध सामाजिक उपक्रमांद्वारे जिल्हाभर साजरा करण्यात आला. त्यामध्ये रक्तदान शिबिरे, सामान्यज्ञान स्पर्धा आदीं बरोबरच तालुकास्तरीय, जिल्हास्तरीय, राज्यस्तरीय वकृत्व स्पर्धा आयोजित करण्यात आल्या आहेत. त्यामध्ये नाशिक, सिन्नर, कळवण, सटाणा, देवळा, चांदवड, मालेगाव, नांदगाव, येवला, त्र्यंबकेश्वर, निफाड या तालुक्यांमध्ये आदरणीय शरदचंद्रजी पवार साहेबांचे विचार त्यामध्ये एकूण १० विषय देण्यात आलेले आहेत. त्यात शेती आणि साहेब, क्रीडा आणि साहेब, विकास आणि साहेब, समाजकारण आणि साहेब, उद्योग आणि उद्योग, महिला धोरण आणि साहेब, आपत्ती व्यवस्थापन आणि साहेब, संरक्षण आणि साहेब, चव्हाण साहेब ते पवार साहेब, एक परंपरा, पर्यावरण आणि साहेब आदी विषयांवर ७ मिनिटांचे भाषण महाविद्यालयीन युवकांनी करून तालुक्यातील प्रत्येक स्पर्धकाला सन्मानपत्र देऊन तसेच प्रथम, द्वितीयम तृतीय विजेत्यास रोख पारितोषिके देऊन गौरविण्यात येणार आहे. सदर तालुक्यांमधील विजेत्यांमधून जिल्हास्तरीय ३ विजेते निवडून त्यांना अनुक्रमे प्रथम ११००० रुपये (मा.आ.दिलीपकाका बनकर), द्वितीय ७००० रुपये (श्री. दिलीप साळवे पाटील), तृतीय ५००० रुपये अशी रोख बक्षिसे व प्रत्येक सहभागी स्पर्धकास सन्मानपत्र प्रदान करण्यात येणार आहे. त्यानंतर राज्यस्तरीय स्पर्धा आयोजित करण्यात आलेल्या आहेत. नाशिक जिल्ह्यातून निवडलेले ३ स्पर्धक हे राज्यस्तरीय स्पर्धेसाठी पात्र ठरतील राज्यस्तरीय विजेत्यांना आदरणीय शरदचंद्रजी पवार साहेब यांच्या उपस्थितीत राज्यस्तरीय स्पर्धेत प्रथम रुपये १ लाख, द्वितीय रुपये ५१०००, तृतीय रुपये ३१००० असे रोख बक्षीस व सन्मानचिन्ह देण्यात येणार आहे.
नाशिक जिल्हा हा पवार साहेबांच्या विचारांशी बांधलेला जिल्हा असल्याने त्यांच्या विचारांचे विधानसभा सदस्य निवडून आलेले आहेत. नवयुवकांना व युवतींना ५ दशकवीर असलेल्या साहेबांचे शेतकरी, महिला क्रीडा, उद्योग, आपत्ती व्यवस्थापन, पर्यावरण व पुरोगामी विचार आजच्या पिढीमध्ये रुजावे यासाठी या स्पर्धेचे आयोजन करण्यात आले आहे.
याच स्पर्धा ऑनलाईन देखील घेण्यात येत आहेत. त्यामध्ये खुला गट असून “महानेता” परिवर्तनाचा व विकासाचा ह्या अधिकृत फेसबुक पेजवर आपला सहभाग नोंदविण्यासाठी ७ ते ८ मिनिटांचे भाषण अपलोड करून दि. १८ डिसेंबर पर्यंत ज्या भाषणास सर्वाधिक लाईक्स येतील त्या भाषणास प्रथम पारितोषिक ५१००० रुपये, द्वितीय ३१००० रुपये व सन्मानपत्र राज्यस्तरीय स्पर्धेच्या वेळी देण्यात येणार आहे. तरी जिल्ह्यातून जास्तीत जास्त स्पर्धकांनी सहभागी होऊन आपल्यातील वकृत्व गुणांना वाव देण्यासाठी ह्या स्पर्धेमध्ये सहभागी होण्याचे आवाहन युवक जिल्हाध्यक्ष पुरुषोत्तम कडलग यांनी केले आहे.
जिल्हास्तरीय वकृत्व स्पर्धेच्या यशस्वीतेसाठी नाशिक जिल्हा राष्ट्रवादी काँग्रेसचे पदाधिकारी प्रफुल्ल पवार, अक्षय कहांडळ, तालुका समन्वयक विलास रौंदळ, दत्तू वाघचौरे, रुपम कोतवाल, अड. भास्कर मेहेंडे, कैलास मोरे, विजय गांगुर्डे, गणेश गायधनी, भुषण शिंदे, सागर शिंदे, मोहन शेलार, दत्तू पवार, भाऊसाहेब सूर्यवंशी, संदीप पवार, अरुण आहेर, स्वप्निल भदाणे, निखील आहेर, जयराम शिंदे, अमोल बच्छाव, योगेश जगताप आदी परिश्रम घेत आहेत. तालुकास्तरीय स्पर्धेमध्ये आतापर्यंत शेकडो स्पर्धक सहभागी झाले आहेत. जिल्ह्यातील प्रमुख मान्यवरांच्या उपस्थितीत स्पर्धा दिलेल्या वेळेवर होणार असल्याचे आयोजकांच्या वतीने सांगण्यात आले.
