काय आहे नोव्हा टेक्निकचे वैशिष्टये ?
1) नोव्हो टेक्निक डॉ. जयेश सोनजेचे स्वत:चे पेटेंट
2) सर्जरी करतांना केवळ 15 से.मी कापले जाते.ज्यामुळे कमी रक्तस्त्राव, उघडी जखम जोखीम कमी, जखम लवकर बरी होते.
3) डॉ.सोनजेचा दावा केवळ 25 मिनिटात किंवा त्याहीपेक्षा कमी कालावधीत गुडघा रोपण शस्त्रक्रिया.
4) तिरपे झाले गुडघे सर्जरीद्वारे चांगले करुन चालता येणे शक्य.
5) बी.पी,डायबेडीज रुग्ण सुध्दा सर्जरी करु शकता.
6) सर्जरी नंतर गुडघे संबधित कोणतेही औषधी अधिक खाण्याची आवश्यकता नाही.
7) संधीवातांच्या रुग्णांना सांधेरोपण शस्त्रक्रिया सहज व सोपी.
8) रुग्णालयात कमी वास्तव्य
9) लवकर हालचाल व जलद रिकव्हरी
नाशिक : सांधे किंवा गुडघे दु:खीने त्रस्त असलेल्या रुग्णांना आता दिलासा मिळणार आहे. वोकहार्ट हॉस्पिटलच्या डॉ.जयेश सोनजे यांनी एक अदयावत तंत्रज्ञान विकसित करत ” नोव्हो टेक्निक ” द्वारे केवळ 15 से.मी काप देऊन 25 मिनिटात यशस्वी गुडघा रोपण करुन असंख्य रुग्णांना संधिवातापासून मुक्तता दिली आहे.
नुकत्याच झालेल्या पत्रकार परिषदेत डॉ.जयेश सोनजे म्हणाले की, संधिवात म्हणजे आपल्या सांध्यांची वयानुरुप झालेली झीज. हा कोणताही आजार नसून वयामुळे हाडातील गादीची झीज होते.याचे कारण म्हणजे वाढते वय,वजन, व हाडांची ठिसूळता. गुडघ्यातील दीड सेंटिमीटर च्या गादीची पूर्णत: झीज झाल्यानंतरच गुडघे रोपणाची गरज पडते. म्हणून ” नोव्हो टेक्निक ” द्वारे गुडघ्यातील झीज झालेली गादी काढून त्यावर कृत्रिम धातूचे रोपण करुन सांध्यातील झीज थांबविली जाते. शस्त्रक्रिये नंतर काही तासात रुग्ण चालायला सुध्दा लागतो. शस्त्रक्रियेनंतर औषधे ही अल्पप्रमाणात घ्यावी लागत असल्याने औषधांचा परिणाम किडनी, लिव्हर आणि इतर अवयवांवर होत नाही. या तंत्रज्ञानाने 90 ते 95 वर्ष वय असणा-या रुग्णावरही यशस्वी शस्त्रक्रिया करण्यात आल्याचेही त्यांनी यावेळी सांगितले.
वोकहार्ट हॉस्पिटल नाशिकचे केंद्रप्रमुख विनोद सावंतवाडकर म्हणाले की डॉ.जयेश सोनजे यांना 3500 हून अधिक शस्त्रक्रियांचा अनुभव असून त्यांना देश-विदेशातील नामांकित रुग्णालयांमध्ये कार्याचा अनुभव आहे. या अनुभवाच्या आधारावर त्यांनी ” नोव्हो टेक्निक ” विकसित केली आहे. वोकहाट नाशिक मध्ये अस्थिरोग विभागात उत्तर महाराष्ट्रातील सर्वाधिक शस्त्रक्रिया झाल्याचेही त्यांनी सांगितले. यावेळी रुग्ण सौ.मालती दीक्षित (वय 79 वर्ष ) व रुग्ण श्री.सुरेश पार्वते (वय 58 वर्ष) यांनी यशस्वी सांधेरोपण शस्त्रक्रिये बददल डॉ.सोनजे यांचे आभार प्रकट केले.
