नाशिक : हदयाच्या रक्तवाहिनीमधील ब्लॉकेज आहे की नाही हे ठरविण्यासाठी अँजिओग्राफी हि एकमेव तपासणी केली जाते.जर ब्लॉकेज आल्यास त्यावर अँजिओप्लास्टी करुन निदान केले जाते.परंतु त्या रक्तवाहिनीचे ब्लॉकेजचे प्रमाण किती प्रमाणात आहे हे ठरविण्यासाठी अदयाप कोणतेचे सुनिश्चित तंत्रज्ञान नसल्यामुळे रुग्णावर कारण नसतांना अँजिओप्लास्टी केली जाते.
परंतु एफ.एफ आर तंत्रज्ञानाच्या आधारे आता रक्तवाहिनेचे ब्लॉकेज प्रमाण सुनिश्चित करुन अनावश्यक अँजिओप्लास्टी टाळणे देखील शक्य झालेले आहे.
अपोलो हॉस्पिटल नाशिकमध्ये डॉ.शेतकर हयांनी उत्तर महाराष्ट्रात सर्वाधिरक जास्त म्हणजे 50 रुग्णांवर एफ.एफ.आर या अत्याधुनिक तपासणीचा वापर केला आहे ज्यात 20 रुग्णांवर अनावश्यक अँजिओप्लास्टी करण्याची गरज नसल्याचा सल्ला त्यांनी दिला आहे.हार्ट ब्लॉकेज असणा-या रुग्णांसाठी हे अत्याधुनिक तंत्रज्ञान आशेचा नवीन किरण असल्याची माहिती डॉ.शेतकर यांनी पत्रकार परिषदेत दिली यावेळी अपोलो हॉस्पिटलचे मुख्यकार्यकारी अधिकारी आणि वैदयकीय अधिक्षक डॉ.हरी मेनन,हदय शस्त्रक्रिया तज्ञ डॉ.अभयसिंग वालिया उपस्थित होते.
काय आहे एफ.एफ.आर तंत्रज्ञान?
एफ.एफ.आर म्हणजे फ्रॅक्शनल फलो रिझर्व्ह हा एक नवीन अत्याधुनिक अविष्कार आहे ज्याने हदयाचा रक्त वाहिनीमधल प्रेशर दाब आणि प्रवाह मोजून ही प्रणाली माहिती देते की ब्लॉकेजमुळे हदयाला खरंच रक्त पुरवठा कमी होत आहे की नाही हे सुनिश्चित केले जाते.
