नाशिक – ‘महिला उद्योजकता व सक्षमीकरण’ या विषयावर सलग ५४० मिनिटे (९ तास) मार्गदर्शनपर भाषण देऊन नाशिककर उद्योजिका प्रेमलता मिश्रा यांनी अनोख्या व आगळ्या वेगळ्या जागतिक विक्रमाची नोंद केली आहे. त्यांच्या या विक्रमाची नोंद जीनियस बुक्स ऑफ रेकॉर्ड्स [ Genius books of records] मध्ये करण्यात आली आहे . त्यांच्या प्रतिनिधी अमी छेडा यांनी विक्रमाचे प्रमाणपत्र प्रेमलता मिश्रा यांना सुपूर्त केले . हे सादरीकरण के. के. वाघ पॉलिटेक्निक च्या आडगाव नाका येथील महाविद्यालयात करण्यात आले . त्यांच्या या सादरीकरण ची सुरुवात सकाळी ८.३० वा करण्यात आली. प्रेमलता मिश्रा यामध्ये महिला उद्योजकता याबाबत विविध विषयांवर संपूर्ण वेळ उभे राहून एकदाही ब्रेक न घेता संध्याकाळी ५.३० वाजेपर्यंत भाषण दिले . या उपक्रमासाठी के.के वाघ शिक्षण संस्थेचे अध्यक्ष बाळासाहेब वाघ व प्राचार्य पी.टी. खांदवे यांचे सहकार्य लाभले . नियमाप्रमाणे या संपूर्ण भाषणाचे चित्रीकरण करण्यात आले असून या विक्रमाचे नाव ‘जगातील सलग सर्वाधिक वेळेचे जाहीर लेक्चर’ असे राहणार आहे.
