नाशिक : कोल्हापूरमधील डायमंड हॉस्पिटलमध्ये २२ नोव्हेंबर २०२० रोजी एका ५५ वर्षीय रुग्णाचा ब्रेन डेड झाल्यामुळे संबंधित रुग्णाच्या नातेवाईकांनी अवयवदान करण्याचा निर्णय घेतला. सरकारी नियमावलीनुसार क्रमवारीप्रमाणे अपोलो हॉस्पिटल नाशिक येथिक नोंदणीकृत ५५ वर्षीय व्यक्तीला ब्रेन डेड व्यक्तीचे यकृत देण्यात आले.अपोलो हॉस्पिटल मुंबई आणि अपोलो हॉस्पिटल नाशिकच्या अवयव प्रत्यारोपण टिमने कोल्हापूर ते नाशिक असा ४९२ किलोमीटरचा प्रवास अवघ्या ५.३० तासात ग्रीन कॉरीडोर करून पार केला. या ग्रीन कॉरिडोर करिता कोल्हापूर शहर व ग्रामीण पोलिस, पुणे शहर व ग्रामीण पोलीस आणि नाशिक शहर व ग्रामीण पोलीस यांच्या सहकार्यामुळे हे शक्य झाले आहे.हि यकृत प्रत्यारोपण शस्त्रक्रिया लिव्हर ट्रान्सप्लांट सर्जन डॉ. विक्रम राऊत, डॉ. अशोक थोरात, डॉ. केतूल शहा, डॉ. अमृतराज, तसेच जनरल सर्जन डॉ. मिलिंद शहा, गॅस्ट्रोएन्टेरोलॉजिस्ट डॉ. धवल चोकसी, लिव्हर ट्रान्सप्लांट भूलतज्ञ डॉ.अंबरीन सावंत, डॉ.हर्षित चकसोता, डॉ.भूपेश पराते, डॉ. चेतन भंडारे यांनी केली. याकरिता अपोलो हॉस्पिटल नवी मुंबई आणि अपोलो हॉस्पिटल नाशिकमधील अवयव प्रत्यारोपण समन्वयक व इतर कर्मचारी वृंदाने विशेष परिश्रम घेतले अशी माहिती अपोलो हॉस्पिटलचे मुख्य कार्यकारी अधिकारी डॉ.प्रसाद मुगळीकर यांनी दिली.
