नाशिक : कोरोना महामारीवर नियंत्रण मिळविण्यासाठी भारत सरकारकडून अनेक उपाययोजना करण्यात आल्या आहेत. झायडस निार्मित कोविड- 19 व्हॅक्सीन फेज 3 ट्रायल देण्यासाठी एच सी जी मानवता कॅन्सर हॉस्पिटल च्या युनिट 2 ची निवड केली आहे. येत्या सोमवार 25 जानेवारीपासून ही लस विनामूल्य एचसीजी मानवता कॅन्सर हॉस्पिटल येथे दिल्या जाणार आहे. याबाबत अधिक माहिती देतांना प्रो.डॉ. राज नगरकर म्हणाले कि, या उपक्रमात कोणीही स्वेच्छेने सहभागी होऊ शकतो. नागरिक आपल्या ओळखीच्या तसेच नातेवाईकांची देखील नोंदणी करुन ही लस घेऊ शकतात.
लस कोण घेऊ शकते?
1. 18 वर्षांवरील कोणीही व्यक्ती, 2. ती व्यक्ती कर्करोगी अथवा क्रिटीकल आजार नसावे 3. त्या व्यक्तीची कोविड टेस्ट निगेटिव्ह असावी.
याबाबतच्या तपासणीची कोणतेही शुल्क आकारले जाणार नसल्याचे सांगण्यात आले आहे.
झायडस लस 91% परिणामकारक असल्याचा दावा कंपनीकडून करण्यात आला असून कोणतेही मोठे साईड इफेक्ट़स सध्या तरी दिसत नाही असा दावा निर्मात्यांकडून करण्यात येत आहे. इच्छुक व्यक्तीस प्रथम हॉस्पिटलमध्ये येऊन कोविड- 19 आरटीपीसी आर व अँटीबॉडीज टेस्ट करुन घ्यावी लागेल. जर त्या टेस्ट चे रिपोर्टस निगेटिव्ह आले तरच त्या व्यक्तीची या अभ्यासासाठी नोंदणी केली जाईल.लसीचा एक डोस दोन इंजेक्शनचा असून दोन्ही खांदयांवर दिला जाणार आहे. पहिला डोस नंतर 28 दिवसांनी शेवटचा डोस 56 दिवसांनी दिला जाणार आहे. संपूर्ण लसीकरण 3 डोस घेतल्यावर पूर्ण होईल. म्हणजे लसीकरण करुन घेणा-या व्यक्तीस हॉस्पिटल मध्ये तीन वेळा यावे लागेल.सदरची चाचणी मर्यादित लोकांची करण्यात येणार असल्याने नोंदणीसाठी प्रथम येणा-यास प्रथम प्राधान्य हे तत्व पाळले जाणार आहे व त्यासाठी ॲपॉइन्टमेन्ट घेणे आवश्यक आहे.
