नाशिक : कर्करोगाच्या जनजागृतीसाठी येत्या रविवारी WeRise – Celebrates Life संकल्पनावर आधारित वॉक चे आयोजन करण्यात आले असून या उपक्रमात 9 वेगवेगळया देशांच्या 30 शहरांमधील धावपटू व्हर्च्युल पध्दतीने रविवार 28 फेब्रुवारी 2021 सहभागी होणार असल्याची माहिती एचसीजी मानवाताचे डॉ.राज नगरकर आणि वुईराइज सेलिब्रेटस लाइफ या चळवळीच्या तंझीम इनामदार यांनी पत्रकार परिषदेत दिली.
कर्करोगाशी लढून त्यावर विजय प्राप्त केलेल्यांनी व त्यांची शुश्रुषा करणाऱ्यांनी पुढाकार घेऊन सुरु केलेली एक चळवळ आहे. दोन वेळा कर्करोगावर विजय मिळवलेल्या तंझीम इनामदार यांची हि कल्पना आहे. कर्करोगाशी लढा देतांना शारीरिक, भावनिक व आर्थिक आव्हानांना कसे सामोरे जावे लागते हे आम्ही चांगलेच जाणतो. आयुष्याकडे बघण्याचा सकारात्मक दृष्टीकोन ठेवला आणि आशावादी राहिले तर कर्करोगाशी लढणे बरेच सोपे होऊ शकते. उपचारादरम्यान शारीरिक शुश्रूषेबरोबरच भावनिक आधार व काळजी देखील तितकीच महत्वाची असते. प्रत्येक रुग्णाचा मार्ग वेगळा असू शकतो पण लढाईच्या या प्रवासात चांगला आधार आवश्यक असतो.
तंझीम म्हणतात, “माझा परिवार, मित्र व डॉक्टर सतत माझ्या बाजूने उभे होते हे माझे सदभाग्य होय. मात्र, समाजातील प्रत्येकालाच असा आधार मिळत नसतो. माझ्या उपचारादरम्यान मी सतत WeRise विषयी विचार करीत होतो. त्याबाबत मी माझा परिवार व मित्रांशी बोललो आणि सगळे लगेचच मला सामील झाले. कर्करोग रुग्णाला आनंद आणि आशा देण्याची आमची इच्छा आहे. शिवाय, जर मी माझ्या परिवाराच्या मदतीने उभा राहू शकलो तर माझ्या मदतीने प्रत्येक कर्करोग रुग्ण उभा राहावा अशी माझी इच्छा आहे. आयुष्य सुंदर असते आणि कर्करोगाच्या पलीकडे जाऊन बघण्यासारख आयुष्यात खूप काही असते. म्हणून आम्हाला आनंद वाटायचा आहे आणि इतरांबरोबर आयुष्य साजरे करायचे आहे. कर्करोगाविषयी जागरूकता वाढविणे व रुग्णांना आशावादी बनविणे हे आमच्या चळवळीचे ध्येय आहे व त्यास पाठींबा दिल्याबद्दल डॉ. राज नगरकर व एचसीजी मानवता यांचे आम्ही ऋणी आहोत. फेसबुक/ ग्रुप/ werisecelebrateslife किंवा insta werise-celebrateslife इथे आम्हाला भेटण्याचे आवाहन त्यांनी केले.
