डॉ.नीलेश वासेकर व त्‍यांच्‍या टीमची यशस्‍वी कामगिरी
नाशिक : नाशिक येथील मेडिकव्हर हॉस्पिटलमध्ये प्रथमच बोन मॅरो ट्रान्‍सप्‍टांटची (अस्‍थी मज्‍जा प्रत्यारोपण) झाली आहे. यासंदर्भात अधिक माहिती देतांना मेडीकव्हर हॉस्पिटल चे एमडी डीएम डॉ निलेश वासेकर म्हणाले की, अकरा वर्षाच्‍या राजेंद्रला दुर्धर रक्‍ताच्‍या कर्करोगाचे निदान झाले. तब्‍बल दोन वर्षे घेऊनसुद्धा आजाराने पुन्‍हा ग्रासल्‍याने बोन मॅरो ट्रान्‍सप्‍लांटचा एकमेव पर्याय उरलेला होता. या शस्‍त्रक्रीयेसाठी दुदैवाने त्‍यांच्‍या कुटुंबातील कुठल्‍याही सदस्‍याचे वैद्यकीय नमुने राजेंद्रच्‍या नमुन्‍यांशी जुळले नाहीत. अशा परीस्‍थितीत हपलो (Haplo) बोन मॅनो ट्रान्‍सप्‍लांट करण्याचा सल्‍ला रुग्‍णाच्‍या कुटुंबियांना दिल्‍याचे डॉ.वासेकर यांनी सांगितले. अशा प्रकारच्‍या शस्‍त्रक्रीयेत स्टेमसेल्स (एचएलए) अर्धा मॅच झालेला असला तरी चालतो. कुटुंबियांनी होकार दिल्‍यानंतर रुग्‍णाच्‍या वडीलांकडून स्टेमसेल्स देण्यात आल्‍या. या उपचार प्रक्रियेदरम्‍यान रुग्‍णाचा डब्‍ल्‍यूबीसी काऊंट बरेच दिवस शंभरच्‍या खाली होता. साधारणतः शस्‍त्रक्रीयेच्या चौदा दिवसांनंतर नवीन पेशी पुन्‍हा तयार होत असल्‍याचे वैद्यकीय चाचण्यांतून स्‍पष्ट झाले. गेल्‍या आठवड्यात या रुग्णाला हॉस्‍पिटलमधून डिस्चार्ज देऊ शकल्‍याचे डॉ.वासेकर यांनी सांगितले.
या शस्‍त्रक्रीयेसाठी संपूर्ण टीमने प्रचंड मेहनत घेतल्‍याचे त्‍यांनी नमूद केले. अशा स्‍वरुपाच्‍या गुंतागुंतीच्‍या बोन मॅरो ट्रान्‍सप्‍लांट शस्‍त्रक्रीया आता अशोका मेडिकव्हर हॉस्पिटलमध्ये शक्‍य झाल्‍याने रुग्‍ण व त्‍यांच्‍या नातेवाईकांना दिलासा मिळाला असल्‍याचे डॉ.वासेकर म्हणाले.
डॉ. सुशील पारख, बालरोग तज्ञ आणि वैद्यकीय संचालक, मेडिकव्हर नाशिक, म्हणाले की ज्या मुलांना अस्थिमज्जा प्रत्यारोपण करण्याची गरज आहे, त्यांच्यासाठी अशोका मेडिकव्हर हॉस्पिटल हे एक आदर्श ठिकाण आहे जे जागतिक दर्जाच्या पायाभूत सुविधांसह संपूर्ण अत्याधुनिक सुविधांनी सुसज्ज आहे.
रितेश कुमार, सेंटर हेड, मेडिकव्हर हॉस्पिटल, नाशिक, म्हणाले की , समाजातील प्रत्येक व्यक्तीला उत्कृष्ट वैद्यकीय सेवा पोचवण्याच्या बाबतीत मेडिकव्हर हॉस्पिटल, नाशिक नेहमीच आघाडीवर असते. नाशिककरांना आमच्या सुविधेचा लाभ मिळाला पाहिजे.
