४ फेब्रुवारी रोजी सायक्लोथॉन २०२३ रॅलीचे आयोजन

नाशिक – जागतिक कर्करोग दिनानिमित्त शनिवार ४ फेब्रुवारी अपेक्स वेलनेस हॉस्पिटलकडून सायक्लोथॉन २०२३ रॅलीचे आयोजन करण्यात आले आहे.
वर्ष २०२३ मध्ये जागतिक तज्ज्ञांकडून असा अंदाज वर्तवला जातो की सुमारे एक कोटी तीस लाख पेक्षा जास्त लोक कर्करोगामुळे आपला जीव गमावतील. ही संख्या एड्स, मलेरिया आणि क्षयरोग हे तीनही आजार मिळून होणाऱ्या संख्येपेक्षा जास्त आहेत. याच पार्श्वभूमीवर जागतिक कर्करोग दिनी ॲपेक्स वेलनेस हॉस्पिटल गोविंद नगर आणि ”नाशिक सायक्ललिस्ट फाउंडेशन” यांच्या संयुक्त विद्यमाने “राईड टू बीट कॅन्सर” या रॅलीचे आयोजन करण्यात आले आहे
शनिवार ४ फेब्रुवारी २०२३ रोजी सकाळी ६.३० वा ॲपेक्स वेलनेस हॉस्पिटल गोविंद नगर नाशिक येथून रॅलीला सुरुवात होणार आहे. या वेळी कॅन्सर तपासणी आणि योग्य वेळी उपचारांचे महत्त्व यावर जनजागृती केली जाणार आहे. सोबत झुंबा नृत्य योगासन, वैद्यकीय क्षेत्रात काम करून आणि विविध क्रीडा प्रकारात विशेष कामगिरी केलेले डॉक्टर सहभागी होऊन उत्तम आरोग्याचे महत्त्व विशद करणार आहेत. कार्यक्रमात इंडियन मेडिकल असोसिएशन नाशिक, पंचवटी डॉक्टर असोसिएशन, निमा न्यू नाशिक, सातपूर अंबड डॉक्टर असोसिएशन, फॅमिली फिजिशियन असोसिएशन सहभागी होणार आहेत.
सदर रॅलीत सहभागी होण्याचे आवाहन हॉस्पिटलच्या वतीने डॉ. शैलेश बोंदर्डे डॉ. नितीन बोरसे आणि नाशिक सायक्ललिस्ट फाउंडेशन अध्यक्ष किशोर माने आणि पदाधिकाऱ्यांकडून करण्यात आले आहे.