तीन दिवसीय मधुमेह तज्ज्ञांच्या परीषदेचा उत्साहात समारोप
नाशिक : जगासह भारतामध्ये मधुमेहाच्या रुग्णांचे वाढते प्रमाण व यासंदर्भात आवश्यक जागृकता, उपचार पद्धतीतील आधुनिकता या विषयांवर तीन दिवसीय परीषदेत मंथन करण्यात आले. महाराष्ट्र राज्य डायबेटिस असोसिएशन यांच्या वतीने आयोजित केलेल्या तीन दिवसीय राज्यस्तरीय परीषदेचा रविवारी (५ फेब्रुवारी) उत्साहात समारोप झाला. राज्यभरातून आलेल्या सुमारे ९०० मधुमेह तज्ज्ञांनी परीषदेच्या यशस्वी आयोजनासाठी आयोजन समिती अध्यक्ष डॉ.नारायण देवगांवकर व त्यांच्या टीमचे अभिनंदन करत आभार मानले. या परीषदेप्रमाणेच यावर्षी होत असलेल्या राष्ट्रीय परीषदेमध्येही डॉक्टरांनी असात उत्स्फूर्त सहभाग नोंदवावा, असे आवाहन डॉ.देवगांवकर यांनी सहभागी डॉक्टरांना केले.
त्र्यंबकरोडवरील हॉटेल एमरार्ड पार्क, ग्रीन व्ह्यू येथे ही तीन दिवसीय परीषद पार पडली. या परीषदेच्या माध्यमातून मधुमेहाच्या उपचार पद्धतीसंदर्भात तज्ज्ञ मान्यवरांनी सत्रांच्या माध्यमातून मार्गदर्शन केले. परीषदेच्या यशस्वी आयोजनाबद्दल आयोजन समिती अध्यक्ष तथा आरएसएसडीआय महाराष्ट्रचे नवनिर्वाचित अध्यक्ष डॉ. नारायण देवगांवकर म्हणाले, राज्यभरातून या परीषदेला मधुमेह तज्ज्ञांचा चांगला प्रतिसाद मिळाला. संपूर्ण टीमने केलेल्या अथ्थक परिश्रमांतून ही परीषद यशस्वी झालेली आहे. मधुमेह तज्ज्ञांची राष्ट्रीय स्तरावरील परीषद आयोजनाचे यजमानपद महाराष्ट्राला मिळाले आहे. माझ्या कार्यकाळात हे यजमानपद मिळाल्याने स्वतःला भाग्यवान समजतो. राज्यस्तरीय परीषदेप्रमाणेच राष्ट्रीय स्तरावरील परिषदेत मधुमेह तज्ज्ञांनी उत्स्फूर्तपणे सहभागी होतांना मान्यवरांच्या मार्गदर्शनाचा लाभ घ्यावा. या परीषदेत आंतरराष्ट्रीय स्तरावरील तज्ज्ञ येणार असल्याने प्रत्येक डॉक्टरने सहभागी व्हावे, अशी ही परीषद असेल.
परिषदेच्या अखेरच्या दिवशी ५ फेब्रुवारीला अहमदाबाद येथील डॉ. बन्सी साबू, मुंबईतील डॉ. अमीत गुप्ता, डॉ. एच.बी.चंडालिया या मान्यवरांनी मार्गदर्शन केले. तसेच परिषदेनिमित्त भरविलेल्या प्रदर्शनाला सहभागी डॉक्टरांनी भेट देतांना माहिती जाणून घेतली. परिषद यशस्वीतेसाठी आयोजन समिती अध्यक्ष डॉ.नारायण देवगांवकर, सचिव डॉ.समीर चंद्रात्रे यांच्रूासह सायंटीफीक प्रोग्रॅम कमिटीचे डॉ. यशपाल गोगटे, डॉ. पार्थ देवगावकर, डॉ. समीर शहा, डॉ. राहुल पाटील, डॉ. विजय धोंडगे, डॉ. समीर पेखळे, डॉ.अरुण महाले, डॉ.दीपेंद्र चौधरी, डॉ.विनोद चौधरी, डॉ.दिनेश देसले, डॉ.प्रितम अहिरराव, डॉ.भुषण देवरे आदींनी परीश्रम घेतले
