अत्यवस्थ रुग्णांस मिळाले जीवनदान ; मेडीनोवा शताब्दी हॉस्पिटलच्या प्रयत्नाना यश

नाशिक– डॉक्टरांचा अनुभव व कौशल्य यांच्या जोडीला अद्ययावत तंत्रज्ञानाची जोड मिळाली तर अनेकदा मृत्यूवरही मात देता येऊ शकते.असेच काहीसे नाशिकच्या 32 वर्षीय महिला प्रियंका लोखंडे यांच्या बाबतीत म्हणावे लागेल.अत्यवस्थ अवस्थेत मुंबई नाक्याजवळील मेडीनोवा शताब्दी हॉस्पिटलमध्ये दाखल झालेल्या प्रियंका लोखंडे यांच्यासाठी येथील क्रिटिकल केअर तज्ञ डॉ.सुमित मांदळे हे जणू देवदूतच बनून आले.
याबाबत अधिक माहिती अशी की मल्टीऑर्गन फेल्युअरमुळे रुग्णाला दवाखान्यात दाखल केले गेले.दाखल करते वेळेस त्या रुग्णाची किडनी काम करत नव्हती .तसेच रक्तदाब खूप कमी होता.सोबतच रुग्णाला न्युमोनिया होता.तसेच हृदय फक्त 15% काम करत होते.भरीस भर म्हणून प्लेटलेट काउंट 15000 एवढाच असून खोकल्यामध्ये देखील रक्त येत होते. अशा गंभीर परिस्थितीत डॉ.सुमित मांदळे यांनी रुग्णावर उपचार सुरु केले व 15 दिवसाच्या अथक परिश्रम व उपचारांनंतर रुग्ण बरा झाला. मेडीनोवा शताब्दी हॉस्पिटल अवघ्या एका वर्षांपूर्वी पूर्णपणे नुतनीकरण होऊन रुग्णसेवेत रुजू झाले आहे.तेव्हापासून असंख्य अत्यवस्थ रुग्णांना येथील उपचाराने जीवनदान मिळाले असल्याचे डॉ. सुमित मांदळे यांनी नमूद केले.