नाशिक – येथील प्रख्यात नवजात शिशु तज्ञ व निओकेअर हॉस्पिटलचे संचालक डॉ. संजय आहेर यांची महाराष्ट्र राज्य नवजात शिशु तज्ञ संघटनेच्या राज्य अध्यक्षपदी बिनविरोध निवड करण्यात आली असून त्यांचा कालावधी पुढील दोन वर्षाचा राहणार आहे.
नाशिक जिल्ह्यातील चांदोरी या ग्रामीण भागात जन्मलेल्या डॉ. आहेर यांनी शालेय शिक्षण तिथेच घेऊन मग पदव्युत्तर अभ्यास परदेशात पूर्ण केला तसेच परदेशातील नामवंत हॉस्पिटल मध्ये कार्य केले. परदेशात अनेक संधी असून आपल्या ज्ञानाचा लाभ देशाला होण्यासाठी त्यांनी सुमारे पंधरा वर्षांपूर्वी नाशिक येथे निओकेअर हॉस्पिटल ची स्थापना केली.त्यांच्या या निवडीबाबत त्यांचे सर्व स्तरातून अभिनंदन होत आहे.
