महाक्रिटीकॉन परीषदेचे आज औपचारीक उद्‌घाटन
नाशिक- इंडियन सोसायटी ऑफ क्रिटीकल केअर मेडिसिन (आयएससीसीएम) यांच्‍या नाशिक शाखेच्‍या वतीने आयोजित अकराव्‍या महाक्रिटीकॉन २०२३ या राज्‍यस्‍तरीय परीषदेनिमित्त शुक्रवारी (दि.24 नोव्हेंबर) विविध विषयांवरील कार्यशाळा पार पडल्‍या. वेगवेगळ्या सहा संकल्‍पनांवर आधारित कार्यशाळांमध्ये तजांनी परीषदेत सहभागी डॉक्‍टरांना मार्गदर्शन केले. या परिषदेत राज्यभरातून ८०० हून अधिक डॉक्टरांनी सहभाग नोंदविताना उत्स्फूर्त प्रतिसाद दिला आहे. शनिवारी या परीषदेचा औपचारीक उद्‌घाटन समारंभ पार पडणार आहे.
या तीन दिवसीय परीषदेच्या पहिल्‍या दिवशी हॉटेल एक्‍स्‍प्रेस इन येथील विविध सभागृहांमध्ये कार्यशाळांचे आयोजन केले होते. अपघातातील अत्‍यावस्‍थ रुग्‍णांवर प्रभावी उपचार, आपत्‍कालीन विभागात सोनोग्राफी व इतर यंत्रांचा वापर, प्रसुतीदरम्‍यान उद्‌भवणार्या गुंतागुंती हाताळण्याच्‍या उपाययोजना, मॅकॅनिकल व्‍हेंटीलेशन, आयसीयुमध्ये संसर्ग टाळण्यासाठी उपाययोजना आदी विषयांवर कार्यशाळा घेण्यात आल्‍या.
परीषदेला दीपप्रज्‍वलनाने सुरुवात झाली. परीषदेच्या आयोजन समितीचे अध्यक्ष डॉ.यतिंद्र दुबे, आयोजन समितीचे सचिव डॉ.पंकज राणे यांच्‍यासह आयएससीसीएम नाशिकचे अध्यक्ष डॉ. दिनेश वाघ, सचिव डॉ.रुचिरा खासणे, महाक्रिटीकॉनचे सायंटिफिक कमिटीचे अध्यक्ष डॉ.देवदत्त चाफेकर, खजिनदार डॉ.हितेंद्र महाजन, परीषद आयोजन समिती सदस्‍य डॉ.अभिनंदन मुथा, डॉ.भाविक शाह, डॉ.मकरंद राणे, डॉ.महेश बनसोड, डॉ.स्‍वप्‍निल साखला, डॉ.विकास कुशारे आदी मान्‍यवर उपस्‍थित होते. ‘कोलॅबरेटिव्‍ह ट्रासफॉर्मेशन इन क्रिटिकल केअर मेडिसिन’ या संकल्‍पनेवर आधारित ही कार्यशाळा होते आहे. परीषदेच्या औपचारीक उद्‌घाटन सोहळ्या दिल्‍ली येथील प्रसिद्ध ट्रान्‍सप्‍लांट सर्जन डॉ. अमरेंदरसिंग सोइन उपस्‍थित राहाणार आहेत. पुढील दोन दिवस या परीषदेअंतर्गत विविध विषयांवर सत्र आयोजित केले असून, ९० हून अधिक वक्‍ते हे परीषदेत सहभागी झालेल्या डॉक्‍टरांना मार्गदर्शन करतील.
