श्रीराम कथेचे १७ डिसेंबरपासून आयोजन आयोजन ; शांतिगिरीजी महाराजांच्या उपस्थितीत होणार सोहळा
नाशिक : जय बाबाजी भक्त परिवाराच्या वतीने निष्काम कर्मयोगी जगदगुरु जनार्दन स्वामी मौनगिरीजी महाराज यांच्या ३४ व्या पुण्यस्मरण सोहळयाचे आयोजन करण्यात आले आहे. नाशिक शहरातील कुंभमेळा मैदानावर १७ ते २४ डिसेंबर दरम्यान होणा-या या भव्य सोहळया प्रसंगी श्रीराम कथा, जपानुष्ठान, यज्ञ यांसह विविधांगी भरगच्च कार्यक्रम संपन्न होणार आहे.
धर्मपीठाचे पिठाधिश्वर अनंत विभूषित श्री श्री १००८ महामंडलेश्वर समर्थ सदगुरु स्वामी शांतिगिरीजी महाराज यांच्या प्रेरनेने व प्रमुख उपस्थितीत नाशिक येथील कुंभमेळा मैदान येथे १७ ते २४ डिसेंबरदरम्यान जय श्रीराम निष्काम कर्मयोगी धर्म सोहळयाचे आयोजन करण्यात आले आहे. हया सोळया दरम्यान महाराष्ट्रातील प्रसिध्द रामायनाचार्य ह.भ.प समाधान महाराज शर्मा यांच्या मधुर वाणीतून १७ डिसेंबरपासून रोज १२ ते ३ वाजेदरम्यान श्रीराम कथा संपन्न होणार आहे.महाजपानुष्ठान,१०८ कुंडात्मक कार्यसिध्दी महायज्ञ, अखंड नंदादीप, हस्तलिखित नामजप, नामसंकीर्तन, अभिषेक, भागवत वाचन, ध्यान प्राणायाम, सत्संग, श्रमदान यांसह भरगच्च कार्यक्रम यावेळी संपन्न होणार आहे.
या कार्यक्रमात ५३ तालुक्यातील भाविकांचा सहभाग असणार आहे. कार्यक्रमादरम्यान येणा-या भाविकांसाठी शेकडो क्विंटल साखरे पासून बनवलेल्या बुंदीचा प्रसाद वाटप करण्यात येणार आहे.
