राममंदिर प्राणप्रतिष्ठा सोहळ्याचा आनंदाेत्सव
प्रतिनिधी । नाशिक बहुप्रतीक्षित अयोध्येतील राम मंदिरात २२ जानेवारी रोजी प्रभु रामचंद्र यांच्या मूर्तीची प्राणप्रतिष्ठा केली जाणार आहे. संपूर्ण जगाचे लक्ष लागून असलेल्या या सोहळा मोठ्या उत्हासात साजरा करण्याचे अावाहन पंतप्रधान नरेंद्र मोदी यांनी केले आहे. यालाच प्रतिसाद देत अक्षय ऊर्जा फाउंडेशनच्या वतीने गुरुवारी दि. ११ सायंकाळी ६ वाजता गाेदाकाठी सहस्त्रदिप सोहळ्याचे आयोजन करण्यात आले आहे. या बरोबरच गंगाआरतीसह फटाक्यांची आतिषबाजी करत राम मंदिर प्राणप्रतिष्ठा सोहळ्याचा अानंद साजरा करण्यात येणार असल्याची माहिती फाउंडेशनचे अध्यक्ष अनिल जाधव यांनी दिली.
संपूर्ण जगाचे लक्ष अयोध्येतील राम मंदिर प्राणप्रतिष्ठा साेहळ्याकडे लागले आहे. अनेक वर्षांच्या प्रतीक्षेनंतर श्रीराम लल्ला हे मंदिरात विराजमान होणार आहे. प्रत्येक नागरिकांसाठी हा अविस्मरणीय क्षण आहे. याचमुळे ११ जानेवारी ते २२ जानेवारी दरम्यान या सोहळ्यानिमित्त विविध कार्यक्रम उपक्रम, कार्यक्रमद्वारे आनंदोत्सव साजरा करण्याचे आवाहन पंतप्रधान मोदी यांनी केले आहे.याचसाठी पुढाकार शहरात सर्वांत पहिले अक्षय फांउडेशनच्या वतीने गाेदाकाठी दीपप्रज्वलीत केले जाणार आहे. याच बराेबर मंत्राेच्चरात पुजन व गंगा आरती होणार आहे. या साेहळ्याच्या माध्यमातून नागरिकांना राम मंदिर साेहळ्यात सहभागी होण्याचे आवाहन देखील केले जाणार आहे. या साेहळ्यात नाशिककरांनी देखील सहभागी व्हावे असे आवाहन आयोजकांच्या वतीने करण्यात आले आहे.
दीपप्रज्वलनातून साजरा केला जाणार आनंदोत्सव मंदिरात प्रभूरामचंद्र यांच्या मूर्तीचा प्राणप्रतिष्ठा सोहळा हा ऐतिहासिक क्षण आहे. या साेहळ्याचा आनंद साजरा करण्यासाठी गोदाकाठी हजारो दिवे प्रज्वलीत केले जाणार आहे. नाशिककरांनी देखील या उपक्रमात सहभागी व्हावे.
– अनिल जाधव, अध्यक्ष, अक्षय ऊर्जा फाऊंडेशन”
