सोपान योग महाविद्यालयाचा शंभर टक्के निकाल

नाशिक : नागपूर, रामटेक येथील कवी कुलगुरु कालिदास संस्कृत विश्वविद्यालयाअंतर्गत सिडको, सिंहस्थनगर येथील सोपान योग महाविद्यालयात शिकविल्या जाणाऱ्या एम. ए. योगशास्त्र अभ्यासक्रमाचा निकाल नुकताच घोषित करण्यात आला असून, त्यामध्ये महाविद्यालयाचा शंभर टक्के निकाल लागला आहे. याशिवाय महाविद्यालयाच्या विद्यार्थ्यांनी विद्यापीठाच्या गुणवत्ता यादीत स्थान मिळवले आहे. एम. ए. योगशास्त्र द्वितीय वर्षाच्या तृतीय सत्रामध्ये डॉ. पल्लवी विशाल जाधव (८६.६ टक्के), छाया भास्कर झाल्टे (८४.४ टक्के) व राजेंद्र आबा काळे (८४ टक्के) यांनी अनुक्रमे प्रथम, द्वितीय व तृतीय क्रमांक मिळवला आहे. सर्व गुणवंत विद्यार्थ्यांचे महाविद्यालयाचे प्राचार्य यू. के. आहिरे, अध्यक्ष कैलास जाधव, मार्गदर्शक डॉ. विशाल जाधव, प्रा. राज सिन्नरकर, तुषार विसपुते, चैतन्य कुलकर्णी, राधिका अंभोरे, प्रीती चांदोरकर, रश्मी दुसाने आदींनी अभिनंदन केले आहे.